Грамадзянін Расеі абрабаваў менскую пенсіянерку
9- 11.07.2014, 14:13
- 9,142
Савецкім раённым аддзелам Следчага камітэта распачатая крымінальная справа паводле факту разбойнага нападу грамадзяніна Расеі на пенсіянерку.
Пра гэта паведаміў БелаПАН афіцыйны прадстаўнік СК Аляксей Клімовіч.
10 ліпеня на вуліцы Кульман у Менску мужчына пазнаёміўся з пацярпелай, прадставіўшыся прадаўцом посуду. Ён прапанаваў жанчыне набыць тавар коштам ніжэй за раздробны, на што тая пагадзілася і запрасіла прадаўца да сябе дадому, каб разлічыцца за куплю. У кватэры, убачыўшы месца захоўвання грошай, мужчына напаў на жанчыну, ужыўшы гвалт, небяспечны для жыцця і здароўя, і завалодаў яе ашчадкам больш як у 30 мільёнаў рублёў.
Дзеянні нападніка кваліфікаваныя паводле ч.2 арт.207 КК (разбой, учынены з пранікненнем у жыллё). Падазраваны затрыманы. Следчыя правяраюць яго на дачыненне да ўчынення іншых такіх злачынстваў на тэрыторыі краіны.