Бэльгія падолела ЗША і выйшла ў 1\4 фіналу

Вызначыліся ўсе ўдзельнікі чвэрцьфіналу Чэмпіянату свету.

Зборная Бэльгіі ў футболе забіла два галы ў дададзены час матчу 1\8 фіналу са зборнай ЗША і выйшла ў чвэрцьфінал, дзе яна сустрэнецца з камандай Аргенціны. Паўднёваамерыканцы раней таксама ў дададзены час матчу перамаглі швайцарцаў, паведамляе interfax.by.

Бэльгія - ЗША - 2:1

Бельгія: Куртуа - Алдэрвейрэлд, Ван Буйтэн, Компані, Фертанген - Віцэль, Фелэні, дэ Брэйне - Мертэнс (Міральяс, 60), Арыгі (Лукаку, 91), Азар (Шадлі, 111).

ЗША: Ховард - Фабіян Джонсан (Едлін, 32), Амар Гансалес, Беслер, Бізлі - Джонс, Кэмеран - Зусі (Вандалоўскі, 72), Брэдлі, Бядоя (Грын, 106 +) - Дэмпсі.

Галы: 1:0 - дэ Брэйн (93), 2:0 - Лукаку (105, пас - дэ Брэйн). 2:1 - Грын (107, пас - Брэдлі).

Папярэджанні: Кэмеран (18), Кампані (42).

Суддзя - Д.Хаймудзі (Алжыр).

У асноўны час матчу спаборнікі не здолелі вызначыцца ні разу. Самым ажыўленым эпізодам першага тайма стала, напрыклад, з'яўленне на поле аднаго з заўзятараў, якога «прагледзелі» мясцовыя ахоўнікі. Мужчына быў адзеты ў футболку супермэна, і паспеў прыцягнуць да сябе ўвагу перш, чым яго выправадзілі са стадыёну.

Што да самой гульні, то доўгі час здавалася, што справа ідзе да адзінаццаціметровай, аднак бэльгійцы відавочна наважыліся вызначыць зыход двубою «з гульні». Ледзь пачаўся дададзены час, як дэ Брэйн адкрыў лік, а на 105-й хвіліне матчу Лукаку павялічыў перавагу еўрапейцаў.

Зрэшты, амерыканцы не хацелі здавацца. Больш за тое, яно яшчэ стараліся з усіх сіл давесці гульню да серыі адзінаццаціметровай. Але адзінае, чаго яны змаглі дамагчыся - гэта скараціць разрыў у ліку да аднаго мяча. Рызыкоўныя атакі падапечных Юргена Клінсмана на апошніх хвілінах сустрэчы былі марнымі ...

«Так, у канцы матчу мы гулялі як на іголках, але ўсё роўна я думаю, што гэтую перамогу мы адназначна заслужылі», - заявіў пасля матчу галоўны трэнер бэльгійскай каманды Марк Вільматс.

Слабым суцяшэннем амерыканскай зборнай можа служыць той факт, што галкіпер каманды Цім Ховард упісаў сваё імя ў гісторыю чэмпіянатаў свету, адбіўшы 15 удараў пасля нападаў бэльгійцаў. Гэта новы рэкорд для брамніка на чэмпіянатах свету ў колькасці сэйваў у адной гульні.

Акрамя зборных Бэльгіі і Аргенціны, у наступную стадыю плэй-оф прабіліся каманды Бразіліі, Калумбіі, Галандыі, Коста-Рыкі, Францыі і Нямеччыны. Цікаўны факт: бар'ер 1\8 фіналу не ўдалося пераадолець ні адной камандзе, якая заняла другое месца ў групавым раўндзе. Усе пералічаныя вышэй каманды сканчалі групавы турнір на першым месцы ў сваіх квартэтах.

Яшчэ адным гістарычным дасягненнем першай стадыі плэй-оф чэмпіянату свету ў футболе стала заканчэнне пяці з васьмі матчаў у дададзены час або праз пенальці. У апошні раз такое было ў далёкім 1934.

Матчы 1\4 фіналу пройдуць на пляцоўках Бразіліі 4 і 5 ліпеня. Чвэрцьфінальныя пары выглядаюць наступным чынам:

Бразілія - Калумбія

Францыя - Нямеччына

Галандыя - Коста-Рыка

Аргенціна - Бэльгія