Болатаў: Журналісты «Громадського ТБ» вызваленыя (Відэа)
5- 2.07.2014, 19:37
- 8,726
Пводле заявы лідэра самаабвешчанай ЛНР, Анастасія Станко і Ілля Бескаравайны вызваленыя.
Лідэр самаабвешчанай «Луганскай народнай рэспублікі» Валерый Болатаў заявіў, што ён вызваляе захопленых раней журналістаў «Ггромадського ТБ» Анастасію Станко і Іллю Бескаравайнага.
Пра гэта ён заявіў на прэс-канферэнцыі, відэа якой з'явілася ў інтэрнэце.
Болатаў заявіў таксама, што журналісты вызваленыя па просьбах кіраўнікоў расейскіх тэлеканалаў.
Раней прадстаўнікі луганскіх сепаратыстаў заявілі, што гатовыя адпусціць затрыманых журналістаў.
Нагадаем, 1 ліпеня журналістка «Громадського ТБ» Анастасія Станко і аператар Ілля Бескаравайны былі ўзятыя ў палон прадстаўнікамі самаабвешчанай «Луганскай народнай рэспублікі». Журналісты былі незаконна затрыманыя ў Луганскай вобласці пры выкананні прафесійных абавязкаў, мяркуецца, што цяпер іх утрымліваюць у падвальным памяшканні.
Прэзідэнт Украіны Пётр Парашэнка даручыў сілавікам заняцца вызваленнем журналістаў.
У сваю чаргу, кіраўнікі трох расейскіх тэлеканалаў Канстанцін Эрнст, Алег Дабрадзееў і Уладзімір Кулісцікаў звярнуліся да лідэра самаабвешчанай ЛНР Валерыя Болатава з заклікам аказаць садзейнічанне ў вызваленні журналістаў.