Былы прэм'ер Грузіі стане вядучым ток-шоу
1- 7.07.2014, 21:07
- 3,988
Бідзіна Іванішвілі будзе весці ток-шоу на грузінскай тэлевізіі, паведаміла тэлекампанія GDS, якая займаецца распрацоўкай праекта.
Адзначаецца, што Іванішвілі будзе не толькі адным з вядучых «грамадска-пазнавальнага ток-шоу», але і выступіць у якасці яго аўтара. Эфір GDS збольшага запоўнены забаўляльнымі праграмамі, аднак для выхаду ток-шоу з удзелам экс-прэм'ера кампанія гатовая змяніць фармат вяшчання, гаворыцца ў прэс-рэлізе. Аб змесце праекта і іншых ягоных удзельніках тэлекампанія пакуль не паведамляе. Як мяркуецца, ток-шоу выйдзе ў кастрычніку, паведамляе Інтэрфакс.
У GDS растлумачылі, што разглядалі варыянт размяшчэння шоў з Іванішвілі ў эфіры Грамадскага вяшчальніка, «аднак гэта магло выклікаць пэўныя пытанні ў грамадстве», таму пасля ўзгаднення з аўтарамі было разважана прадоўжыць працу над альтэрнатыўнымі варыянтамі. Эфір на канале GDS быў прызнаны найбольш прымальным на дадзеным этапе.
У GDS не выключаюць, што пасля праект будзе перададзены Грамадскаму вяшчальніку ці іншай прыватнай тэлекампаніі, а GDS TV вернецца да першаснага фармату вяшчання. Тэлекампанія GDS належыць Берэю Іванішвілі - сыну Бідзіна Іванішвілі.
У кастрычніку 2012 года выбарчы блок Іванішвілі «Грузінская мара - Дэмакратычная Грузія» атрымаў больш за палову месцаў у парламенце краіны. З канца кастрычніка 2012 года па канец лістапада 2013 г Іванішвілі быў прэм'ер-міністрам Грузіі.