Бразільцы сустрэлі зборную Нямеччыны авацыямі
3- 9.07.2014, 18:30
- 17,882
Сотні бразільскіх заўзятараў зладзілі авацыю футбалістам і трэнерам зборнай Нямеччыны ля трэніровачнай базы каманды ў Санту-Андрэ.
Пра гэта паведамляе агенцтва ІТАР-ТАСС.
Такім чынам мясцовыя заўзятары павіншавалі каманду з перамогай і выказалі павагу гульцам пасля разгрому зборнай Бразіліі (1:7) у паўфінале чэмпіянату свету.
Прыхільнікі футбола прастаялі некалькі гадзін пад праліўным дажджом, каб павітаць футбалістаў. Пасля таго як гульцы выйшлі з аўтобуса, каб перасесці на паром для пераправы да месца размяшчэння базы, заўзятары цягам некалькіх хвілін скандавалі: «Нямеччына!»
Другі фіналіст чэмпіянату свету вызначыцца 9 ліпеня, калі згуляюць зборныя Аргентыны і Нідэрландаў. Сустрэча стартуе апоўначы паводле маскоўскага часу. Фінал жа адбудзецца 13 ліпеня а 22:00 паводле менскага часу.