Тэлефонная сувязь падаражэла
3- 1.08.2014, 9:01
- 15,360
Паслугі тэлефоннай сувязі даражэюць у Беларусі з 1 жніўня.
Гэта прадугледжана пастановай Міністэрства эканомікі №52 ад 16 ліпеня 2014 года.
Згодна з дакументам, абаненцкая плата для насельніцтва вырасце прыкладна на 20%. У прыватнасці, карыстальнікі індывідуальных нумароў штомесяц павінны будуць плаціць Br14 750 (цяпер - Br12 250). Для грамадзян, у якіх усталяваныя спараныя тэлефоны, тарыф павялічыцца на Br2 тысяч да Br11 950.
З 1 жніўня міжгароднія званкі будуць каштаваць на 12,1% больш - Br81, 4 за хвіліну.
Акрамя таго, пастановай павялічаны кошт паслуг электрасувязі агульнага карыстання для юрыдычных асоб і індывідуальных прадпрымальнікаў.