Казахскі дызайнер стварыў плакат пра салідарнасць перад агрэсіяй РФ

Нурлан Тураханаў перафразаваў вядомае выказванне нямецкага пастара Марціна Німелера.

"Калі яны прыйшлі за малдаванамі, я маўчаў - я не быў малдаванінам. Калі яны прыйшлі па грузінамі, я маўчаў - я не быў грузінам. Калі яны прыйшлі за ўкраінцамі, я маўчаў - я не быў украінцам. Калі яны прыйдуць за мной - ужо няма каму будзе заступіцца за мяне», - напісана на плакаце. Гэтыя словы вядомы казахстанскі дызайнер Нурлан Тураханаў праілюстраваў кадрамі, знятымі на акупаваных расейскімі вайскоўцамі тэрыторыях.

Нагадаем, тэма Казахстана раптам усплыла на маладзёжным форуме «Селігер - 2014», дзе Уладзімір Пуцін згадаў, што Расея ў 10 разоў большая за свайго саюзніка па насельніцтву, а на тэрыторыі сярэднеазіяцкай краіны ніколі не было дзяржаўнасці.