Пратэсты ў Емене: паліцыя адкрыла агонь па дэманстрантах
- 9.09.2014, 15:15
- 4,001
Загінулі, як мінімум чатыры чалавекі.
У сталіцы Емена паліцэйскія адкрылі агонь па дэманстрантах з шыіцкай секты зайдзітаў, якія сабраліся каля ўрадавага комплексу ў Сане. У натоўпе пачалася цісканіна. Паводле звестак мясцовых СМІ, прынамсі чатыры чалавекі загінулі, паведамляе BBC.
Тысячы паслядоўнікаў шэйха Абдул-Маліка Хуці праводзяць акцыі пратэсту ў прыгарадзе сталіцы, патрабуючы адстаўкі ўрада і вяртання субсідый на паліва.
У панядзелак улады звольнілі кіраўніка службы бяспекі за няздольнасць спыніць масавы пратэст.
У паўночнай правінцыі Джаўф урадавыя паветраныя сілы наносяць авіяўдары па пазіцыях мяцежнікаў-зайдзітаў.
На мінулым тыдні не менш за 40 чалавек сталі ахвярамі сутыкненняў у Джаўфе.
Фота: Reuters/Khaled Abdullah