Дзве аўтамашыны з беларускай бульбай не пусцілі ў Пскоўскую вобласць
10- 9.09.2014, 15:32
- 10,658
Абодва грузы ехалі ў РФ з парушэннямі маркіроўкі.
Спецыялісты Рассельгаснагляду Цвярской і Пскоўскай абласцей спынілі партыю бульбы ў пункце пропуску ў вёсцы Лабок Невельскага раёна. Дваццаць тон беларускага караняплода не ўпусцілі ў Расею прахз адсутнасць маркіроўкі на ўпакоўках. Фуру вярнулі на тэрыторыю Рэспублікі Беларусь, піша kp.ru.
Праз няправільна аформленые дакументы суправаджэння на мяжы затрымалі яшчэ адну аўтамашыну з бульбай з брацкай рэспублікі. На тым жа пункце пропуску ў Невельскім раёне 22 тоны бульбы перавозілі з парушэннямі ў дакументах: у фітасанітарных сертыфікатах быў няправільна ўпісаны адрас адпраўніка грузу і адсутнічала маркіроўка. Пра гэта «Камсамольскай праўдзе» паведамілі ў прэс-службе Рассельгаснагляду Пскоўскай і Цвярской абласцей.
Аўтамашына з грузам вернутая на сумежную тэрыторыю.