МТС падвышае кошты

30 лістапада абаненцкая плата на большасці тарыфных планаў МТС будзе павялічаная.

Пра гэта charter97.org паведамілі ў прэс-службе кампаніі.

30 лістапада абаненцкая плата на большасці тарыфных планаў МТС будзе павялічаная. На ўсіх тарыфах, акрамя лінейкі «МТС смарт», кошт размоў і пераадрасаваных выклікаў унутры сеткі падвысіцца. Кошт інтэрнэт-трафіку звыш пакетаў, уключаных у абаненцкую плату, застанецца на ўсіх тарыфных планах ранейшым. Кошт SMS і SMS-пакетаў будзе падвышаны на ўсіх прапановах, акрамя тарыфаў «Выдатны» і «Лёгка сказаць» - на іх SMS-паведамленні стануць, наадварот, таннейшымі.

Таксама з 30 лістапада будзе зменены кошт некаторых дадатковых і сэрвісных паслуг МТС. Кошт інтэрнэт-опцыі будзе скарэктаваны ў бок падвышэння. Акрамя гэтага, будуць падвышаныя тарыфы на падлучэнне такіх паслуг, як «Абяцаная аплата 30», «Тэрміновы крэдыт 100», «Тэрміновы безліміт», а таксама на пакеты дадатковых хвілін у рамках карпаратыўных тарыфаў. Таксама зменяцца кошты большасці інфармацыйна-забаўляльных сэрвісаў.

Акрамя гэтага, на ўсіх прапановах лінейкі «Хатні канэкт» з 30 лістапада будуць дзейнічаць абноўленыя тарыфы.