«Беларусбанк» незадаволены ацэнкай Moody's

Ацэнкі рэйтынгавага агенцтва Moody 's «Беларусбанк» уважае за некарэктныя і неаб'ектыўныя.

Пра гэта гаворыцца ў паведамленні банка ад 27 лютага, піша БелаПАН.

«Беларусбанк» адрэагаваў на заяву аб пераглядзе да паніжэння, зробленую міжнародным рэйтынгавым агенцтвам Moody 's Investors Service, у дачыненні да рэйтынгаў шасці беларускіх банкаў (ААТ «ААБ Беларусбанк», ААТ «Белаграпрамбанк», ААТ «Белінвестбанк», ААТ «БПС-Сбербанк», ЗАТ «МТБанк», ЗАТ «Дэльта Банк»).

«Беларусбанк» інфармуе, што яшчэ 26 верасня 2011 года скасаваў пагадненне аб наданні рэйтынгаў з міжнародным рэйтынгавым агенцтвам Moody 's Investors Service.

«Агенцтва не мае доступу да непублічнай інфармацыі, якая выдае ААТ «ААБ Беларусбанк» іншым рэйтынгавым агенцтвам, і не валодае ўсёй паўнатой інфармацыі для аб'ектыўнай ацэнкі стану банка. У гэтай сувязі ацэнку рэйтынгавага агенцтва Moody 's ААТ «ААБ Беларусбанк» уважае за некарэктную і неаб'ектыўную», - адзначаецца ў паведамленні.

У банку таксама звяртаюць увагу, што цяпер ААТ «ААБ Беларусбанк» працягвае атрыманне міжнародных крэдытных рэйтынгаў ад двух міжнародных рэйтынгавых агенцтваў Fitch Ratings (B-/B/ прагноз "Стабільны") і Standard&Poor's (B-/C/ прагноз "Стабільны").