Прыгарадны транспарт зменіць працу ў канцы красавіка
1- 13.03.2015, 18:02
- 6,202
У Менску ўнесеныя змены ў працу прыгараднага транспарту ў красавіку гэтага года праз перанос працоўных дзён у сувязі з Радаўніцай.
Пра гэта паведамілі БелТА ў дзяржаўнай установе "Сталічны транспарт і сувязь".
Так, згодна з пастановай Савета Міністраў №1060 ад 10 лістапада 2014 г працоўны дзень з панядзелка 20 красавіка пераносіцца на суботу 25 красавіка.
Праца прыгарадных маршрутаў будзе арганізаваная паводле наступнага графіку: 18 красавіка - паводле графіку суботы; 19 красавіка - паводле графіку нядзелі; 20 красавіка - паводле графіку суботы; 21 красавіка - паводле графіку нядзелі; 24 красавіка - паводле графіку пятніцы; 25 красавіка - паводле графіку пятніцы.