Працоўны МАЗа: Такога заняпаду на заводзе не было ніколі

З 27 сакавіка да 6 красавіка завод сыдзе на прымусовыя «вакацыі» праз адсутнасць працы.

Нядаўна паступіла інфармацыя аб будучых «вакацыях» за свой кошт на адным з найбуйнейшых прадпрыемстваў краіны. На charter97.org паступаюць і іншыя каментары ад супрацоўнікаў завода.

«Пра канікулы нічога не чуў. Працуем сапраўды па 8 дзён у месяц, за ўчорашні дзень на «здзелцы» зарабіў 130 тысяч, пазаўчора - 90. Збіраюць цяпер 16-18 аўто ў дзень, кажуць, што няма рухавікоў. Заробак затрымліваюць, але пра гэта папярэдзілі. Наколькі разумею, у завода скончыліся сродкі і на рухавікі, і на заробкі», - піша чытач Юрый.

«Канец гэтаму МАЗу, там кашмар што робіцца. Прадпрыемствы закрэдытаваныя так, што ні «Боінга», ні «Майбаха» не хопіць на выплату запазычанасцяў. Пры гэтым скарачаюць не «Белы дом» (адміністрацыю), а «рабацяг». Акрамя чыноўнікаў на заводзе дзейнічае цэлая банда мянтоў-адстаўнікоў (гэта акрамя аховы), якія там нібыта «ловяць злодзеяў» («рабацяг» то з рэшткамі, то з катушкамі меднага дроту) за 10 мільёнаў у месяц. Дзе ж гэты завод будзе працаваць?...», - піша чытач Зміцер.

«Я на МАЗе адразу пасля аўтамеханічнага факультэта. 2 гады, з 2005 да 2007, ад званка да званка назіраў гэты перажытак сацыялізму. Была першая праца маладога спецыяліста. Загналі ў яму да п’яніц ССЦ МАЗ, потым да кантралёраў-ідыётаў у ЦІіСА. Мне ўсё хутка стала зразумела. Зразумеў, у якой краіне я жыву. МАЗ - гэта люстэрка і зрэз нашага грамадства агулам! Гары ён сінім полымем, і чым ярчэй - тым лепш!», - піша чытач Сямён.

Рэдакцыя charter97.org апытала супрацоўнікаў ААТ «МАЗ» і высветліла, што пра вакацыі чулі не ўсе і канчатковую пастанову аб прымусовым адпачынку прымуць сёння.

«Я ў бухгалтэрыі даведалася: звестак пра «вакацыі» няма. Але з панядзелка, магчыма, тыдзень будзем адпачываць, але дакладна не за свой кошт, а за 2/3 тарыфнай стаўкі. Сёння будзе вядома: цяпер як раз сход і развязваецца пытанне», - піша супрацоўніца завода Вольга.

«Штосьці пра два тыдні «адпачынку» кажуць, але пакуль дакладна сказаць не могуць. З 27 сакавіка да 6 красавіка, але быццам бы не за свой кошт, а за 2/3. Але, шчыра сказаць, многія на здзелцы, таму гэта атрымліваюцца такія капейкі! Пакуль звальненняў няма. Але многім кажуць пісаць заявы на адпачынкі за свой кошт да канца гэтага тыдня. У нас няма працы, план зменшыўся роўна на палову. Я асабіста сяджу без працы: няма металу. Вельмі моцна сталі сачыць за якасцю працы, лішняя нагода людзей пазбаўляць прэмій і вылічваць сумы браку. Некаторыя працуюць па два-тры дні на тыдзень, каб не страціць працу. Ходзяць размовы аб вялікім скарачэнні.

У нас ёсць завадская газета. У ёй пішуць, што ўсё ў парадку і што МАЗ квітнее. А насамрэч - поўная ж*па. Прабачце за такія словы, але па-іншаму гэтую сітуацыю не назавеш. Я размаўляў з людзьмі, якія даўно працуюць. Дык яны кажуць, што на МАЗе такога краху не было ніколі», - піша рабочы заводу Андрэй.

«Ну так, цяпер з 27 сакавіка да 6 красавіка будзем «гуляць». Афіцыйна ў нас 5 рабочых дзён. З панядзелка па чацвер працуем, а за пятніцу налічваюць па 2/3 ад акладу. Ніхто нікуды не звальняецца: усе толькі чуткі розныя пускаюць, але трымаюцца за свае месцы. Адзінае, што заўважыў - апошнім часам пенсіянерам перасталі падаўжаць кантракты, а на іх месца бяруць маладых выпускнікоў ВНУ», - піша супрацоўнік заводу МАЗ.

Нагадаем, апошнім часам многія прадпрыемствы пераходзяць на скарочаны працоўны тыдзень або вымушаюць рабочых пісаць заявы на адпачынкі за свой кошт. Так, толькі за пачатак сакавіка ў рэдакцыю charter97.org паступілі скаргі з такіх прадпрыемстваў як «Гомсельмаш», Асіповіцкі завод аўтамабільных агрэгатаў, Светлагорскі завод жалезабетонных вырабаў, Бабруйскі завод дэталяў і агрэгатаў, «Магілёўтрансмаш», «Строммашына», МТЗ, «Гомельдрэў», Менскі падшыпнікавы завод, Беларуская чыгунка, ААТ «Віцебскія прадукты» ды іншыя.