Гары Каспараў заклікаў Захад пачаць пастаўкі зброі ва Украіну
1- 26.03.2015, 10:58
- 12,480
Расейскі апазіцыянер Гары Каспараў выступіў з чарговай гучнай заявай што да палітыкі Крамля.
Падчас свайго выступу ў галандскім інстытуце Nexus у Тылбургу Каспараў сказаў: «Калі Пуцін адчуе, што Захад праяўляе слабасць, то ён пойдзе яшчэ далей».
13-ты чэмпіён свету ў гісторыі шахмат таксама заклікаў зрабіць больш жорсткімі санкцыі ў дачыненні да Расеі і пачаць пастаўкі зброі ва Украіну, піша «Главком».
«Пуціна, вядома, гэта не спыніць, аднак кошт для яго будзе вышэйшым», - прыводзіць словы Каспарава аўстрыйская газета Die Presse.
«Упершыню з моманту заканчэння Другой сусветнай вайны межы ў Еўропе ізноў былі змененыя дыктатарам. І калі цяпер Захад не выступіць рашучым чынам супраць Пуціна, то ў небяспецы апынецца ўся Украіна, а таксама Прыбалтыка. Еўропа не павінна капітуляваць», - падкрэсліў ён.
Фота: Getty Image