Герой фільма «Гульні розуму» нобэлеўскі лаўрэат Джон Нэш загінуў у ДТЗ
4- 24.05.2015, 19:55
- 50,061
Амэрыканскі матэматык, лаўрэат Нобэлеўскай прэміі ў эканоміцы Джон Нэш і ягоная жонка Алісія Нэш загінулі ў аўтакатастрофе.
86-гадовы амэрыканскі матэматык, лаўрэат Нобэлеўскай прэміі ў эканоміцы Джон Нэш загінуў у аўтакатастрофе ў Нью-Джэрсі.
Як паведамляе тэлеканал «Дождь», пра гэта піша Huffigton Post са спасылкай на прадстаўніка паліцыі Нью-Джэрсі.
У аварыю трапіла таксі, у якім ехаў Нэш. Ягоная жонка Алісія Нэш, якая была з ім у самаходзе, таксама загінула. Паводле звестак мясцовага выдання NJ.com, яны не былі прышпіленыя.
Джон Нэш стаў лаўрэатам Нобэлеўскай прэміі ў эканоміцы ў 1994 годзе «за фундаментальны аналіз раўнавагі ў тэорыі некааперацыйных гульняў». Адзначаная была дысертацыйных праца Нэша аб тэорыі гульняў, напісаная ім у 1949 годзе.
Біяграфія Нэша стала базай сюжэту фільма «Гульні розуму». Расэл Кроў, які сыграў ролю навукоўца, напісаў у твітэры, што шакаваны загубай Нэша і ягонай жонкі.
Stunned...my heart goes out to John & Alicia & family.
An amazing partnership. Beautiful minds, beautiful hearts. https://t.co/XF4V9MBwU4
— Russell Crowe (@russellcrowe) maj 24, 2015