Рагозін пра санкцыі Захаду: «Танкам візы не патрэбныя»
42- 25.05.2015, 11:18
- 5,281
Віцэ-прэм'ер Расейскай Федэрацыі зноў пагражае Захаду.
Віцэ-прэм'ер РФ Дзмітрый Рагозін заявіў, што «танкам візы не патрэбныя». Такім чынам ён адрэагаваў на санкцыі і забарону на выдачу віз шэрагу расейскіх палітыкаў і бізнэсоўцаў Злучанымі Штатамі і Еўрапейскім звязам, піша liga.net.
«Танкам візы не патрэбныя», - заявіў ён у эфіры праграмы «Нядзельны вечар» на канале «Расея 1».
Адзначым, з сакавіка 2014 Рагозін, адзін з найбольш антыўкраінскіх і антызаходніх палітыкаў РФ, знаходзіцца ў чорным спісе расейскіх палітыкаў і бізнэсоўцаў, якім забаронены ўезд у ЕЗ.
Нягледзячы на санкцыі, у красавіку 2015 Рагозін высадзіўся на архіпелагу Шпіцбэрген, на які распаўсюджваецца суверэнітэт Нарвегіі, дзе ўзяў удзел у адкрыцці арктычнай станцыі, а затым пабываў на Паўночным полюсе.