Ветэран: Марыў адсвяткаваць 9 траўня з унукам, але ён загінуў, абараняючы Украіну
16- 4.05.2015, 11:10
- 10,626
Відэазварот 97-гадовага ветэрана Другой сусветнай вайны Івана Залужнага.
97-гадовы ветэран Другой сусветнай вайны Іван Залужны, дзядуля загінулага ў Данбасе малодшага лейтэнанта Нацыянальнай гвардыі Івана Гутнік-Залужнага з Запарожжа, падзяліўся марамі, якім ужо не наканавана спраўдзіцца, паведамляе gordonua.com.
Мужчына хацеў адсвяткаваць Дзень Вялікай Перамогі са сваім унукам.
- Але ён загінуў у баі пры абароне сваёй радзімы. Мой унук часта казаў, што таксама будзе абараняць радзіму, як ягоны дзед, і гатовы аддаць жыццё за свабоду сваёй Украіны, - заявіў Залужны.
Раней Іван Залужны на пахаванні заклікаў сваіх расейскіх пабрацімаў, з якімі разам прайшоў вайну ад Масквы да Варшавы, папрасіць прэзідэнта РФ Уладзіміра Пуціна спыніць вайну.
- Мы з вамі, дарагія расейцы, дзялілі хлеб папалам, палілі адну люльку на 20 чалавек, адзін аднаго абаранялі ў акопах, а цяпер Пуцін пасылае вашых унукаў забіваць нашых, - сказаў ветэран.