П'яны кіроўца зладзіў гонкі з ДАІ

Каб спыніць кіроўцу, супрацоўнікі ДАІ выкарысталі зброю.

Учора на Століншчыне супрацоўнікі ДАІ праводзілі масаваную адпрацоўку дарог. Падчас праверкі чацвёра вадзіцеляў не падпарадкаваліся патрабаванням аб прыпынку і паспрабавалі схавацца. Аднойчы нават супрацоўнікам ДАІ прыйшлося выкарыстаць табельную зброю для таго, каб спыніць кіроўцу. Абставіны здарэння паведамілі ў ДАІ Берасцейскай вобласці, піша onliner.by.

Справа была ўначы. Блізу 01:30 жыхар Століна за рулём Volkswagen Passat праехаў міма супрацоўнікаў ДАІ, якія падалі яму сігнал аб прыпынку. Наадварот - ён павялічыў хуткасць і паспрабаваў схавацца ў бок Давыд-Гарадка.

Рухаючыся на вялікай хуткасці, кіроўца Volkswagen ствараў пагрозу бяспецы дарожнага руху. Праз гэтую прычыну супрацоўнікі ДАІ прынялі пастанову аб выкарыстанні зброі. Праз гучнагаварыцель кіроўцу папярэдзілі, што будуць страляць. Нуль рэакцыі. Тады, пасля папераджальнага стрэлу, інспектары прастрэлілі правае кола Volkswagen. Затым яшчэ каля 10 км кіроўца працягваў рух і толькі ў Мікашэвічах спыніўся.

Парушальнікам апынуўся 27-гадовы жыхар Століна. У выдыханым паветры ў яго было выяўлена больш за 2,6 праміле алкаголю.

У ДАІ расказалі, што раней 19 разоў гэты грамадзянін прыцягваўся да адміністрацыйнай адказнасці, у тым ліку ў 2010 годзе, у 2011 годзе і ў 2013 годзе - да адміністрацыйнай адказнасці за кіраванне транспартным сродкам у стане ап'янення. На гэты раз у дачыненні да вадзіцеля складзена 4 адміністрацыйныя пратаколы: ч. 1 арт. 18.16 КаАП (кіраванне МС асобай, якая знаходзіцца ў стане алкагольнага ап'янення); ч. 1 арт. 18.19 КаАП (кіраванне МС асобай, якая не мае права кіравання гэтым сродкам); ч. 1 арт. 18.20 КаАП (эксплуатацыя ў дарожным руху МС без заключэння ягоным ўладальнікам дагавора абавязковага страхавання грамадзянскай адказнасці ўладальнікаў транспартных сродкаў); ч. 3 арт. 18.21 КаАП (невыкананне патрабаванні аб прыпынку ТС).

Кіроўца затрыманы і змешчаны ў ізалятар часовага ўтрымання.