92-гадовая жыхарка Нарвэгіі збегла з дому састарэлых з палюбоўнікам
13- 3.07.2015, 17:47
- 13,164
У нарвэжскім Эйдсвале 92-гадовая жыхарка дома састарэлых збегла ў Швэцыю да свайго 87-гадовга бойфрэнду.
Пра гэта паведамляе Lenta.ru са спасылкай на The Local.
Персанал установы пачаў шукаць пацыентку, выявіўшы яе хадункі на паркоўцы ля клінікі. Кіраўніцтва звярнулася ў паліцыю. Аднак пошукі былі спыненыя, калі высветлілася, што нарвэжка пакінула дом састарэлых дзеля адпачынку з каханым. Пара з'ехала на самаходзе ў Стакгольм, каб правесці некалькі дзён у кватэры мужчыны.
«Гэта сапраўды вельмі кранальная любоўная гісторыя», - адзначыла начальніца клінікай Янка Хольстад. Паводле ейных слоў, уцякачка не зрабіла нічога супрацьзаконнага, але устрывожыла персанал, бо не папярэдзіла аб сваім ад'ездзе.
Хольстад таксама паведаміла, што пацыентка правяла ў доме бойфрэнда дзесяць дзён і неўзабаве плануе вярнуцца ў дом састарэлых.