На ўсходзе Расеі ўпаў верталёт
15- 15.08.2015, 11:30
- 14,032
Пілот і два пасажыры атрымалі траўмы пры катастрофе верталёта Robinson R-44 у раёне якуцкага горада Нерунгры.
Пра гэта паведамляе «Інтэрфакс».
Пры заходзе на пасадку на пасадачную пляцоўку непадалёк ад чыгуначнай станцыі ў горадзе Нерунгры Рэспублікі Саха (Якуція) пацярпеў крушэнне верталёт Robinson R-44, які рухаўся паводле маршрута Тамот - Нерунгры.
У выніку дотыку да слупа пры заходзе на пасадку паветранае судна ўпала на зямлю і загарэлася. Пілот і два пасажыры з траўмамі рознай ступені цяжкасці дастаўлены ў гарадскую бальніцу. Верталёт цалкам згарэў.
Нагадаем, у канцы чэрвеня ў Расеі тры чалавекі загінулі пры катастрофе верталёта Robinson.