Беларускія банкі ўзнялі курс даляра да 18 600, еўра - да 21 500

(абноўлена) Імклівае падзенне беларускага рубля працягваецца.

На адкрыцці таргоў у Менску даляр узняўся на 872 рублі да 17 601.

Еўра падаражэў на 1098 рублёў з 18 837 да 19 934. Расейскі рубель вырас да 247,3. Таргі скончыліся.

Банкі ўжо адрэагавалі на змену сітуацыі.

«Беларускі народны банк» узняў курс продажу да 17 900 рублёў, еўра - да 20 800 рублёў, паведамляе nn.by.

Цяпер банкі прадаюць даляр за 18 600, а еўра - за 21 500.

Яшчэ раніцай гэтыя лічбы былі на 1000-1500 рублёў меншыя.

Нагадаем, што на таргах у Маскве даляр дасягнуў 70 расейскіх, а еўра перасягнуў адзнаку 81 рубель. Усё гэта адбываецца на фоне падзення кошту нафты: барэль Brent апусціўся ніжэй за 45 даляраў, а WTI - ніжэй за 40 даляраў.