Расейская авіябаза з'явіцца ў Бабруйску ўжо ў студзені 2016 года

На ёй будуць размяшчацца знішчальнікі Су-27, здольныя несці ядзерныя боепрыпасы.

Прадстаўнікі Мінабароны і МЗС Расеі разам са сваімі калегамі з Менска пачалі падрыхтоўку тэксту пагаднення аб расейскай авіяцыйнай базе ў Беларусі. Прынцыповых рознагалоссяў у гэтым пытанні няма. Падпісанне дакумента намячаецца на чарговай сумеснай калегіі абаронных міністэрстваў дзвюх краін, якая адбудзецца ўжо найбліжэйшымі тыднямі. Авіябаза ў Бабруйску пачне функцыянаваць ужо са студзеня 2016 года, піша «Независимая газета».

«Мяркуецца, у склад расейскай авіябазы акрамя знішчальнага палка Су-27 увойдзе навучальнае звяно Су-27, а таксама эскадрылля вайскова-транспартных верталётаў Мі-8. Саму базу будуць прыкрываць зенітныя ракетныя комплексы С-300В са складу 147-й зенітнай ракетнай брыгады ВПС і войскаў СПА Узброеных сіл Беларусі. Вядома, што знішчальнікі Су-27 здольныя несці на сваім борце і ядзерныя боепрыпасы. Аднак наўрад ці яны цяпер будуць размешчаны ў Беларусі, бо краіна выконвае Дагавор аб нераспаўсюджванні ядзернай зброі (ДНЯЗ). Між тым верагоднасць іх размяшчэння ў Беларусі выключаць нельга, калі дагавор будуць парушаць краіны NATO. Днямі афіцыйны прадстаўнік МЗС Расеі Марыя Захарава звярнула ўвагу на тое, што ў Еўропе застаюцца разгорнутыя тактычныя ядзерныя сродкі ЗША, якія Пентагон мае намер мадэрнізаваць», - паведамляе выданне.

Прэс-сакратар прэзідэнта Расеі Дзмітрый Пяскоў заявіў аб тым, што «гэта можа прывесці да парушэння стратэгічных балансаў у Еўропе, і таму, безумоўна, гэта запатрабуе ад Расеі прыняцця адпаведных контршагоў, контрзахадаў для аднаўлення парытэту». Якія канкрэтна гэта будуць крокі, Пяскоў не сказаў. Але яго дапоўнілі экспэрты і палітыкі. СМІ ўжо працытавалі заяву вайскова -дыпламатычных крыніц аб тым, што Расея можа разгарнуць аператыўна-тактычныя ракетныя комплексы «Іскандэр-М» у Калінінградскай вобласці ў адказ на з'яўленне новых амерыканскіх ядзерных бомбаў у Нямеччыне. А старшыня камітэта Савета Федэрацыі ў абароне і бяспецы Віктар Озераў паведаміў, што «размяшчэнне новых ядзерных узбраенняў у ФРГ можа падштурхнуць Расею да выхаду з Дамовы аб ракетах сярэдняй і меншай далёкасці».

«Сярод патэнцыйных контрзахадаў, вядома ж, будзе і фармаванне ў Беларусі расейскай авіябазы. Як вядома, да 1994 года на вайсковым аэрадроме ў Бабруйску дыслакаваўся 200-й гвардзейскі Берасцейскі бамбавальны авіяцыйны полк. Паводле афіцыйных звестак ДАЗУЕ, паводле стану на 1 студзеня 1991 году на яго ўзбраенні знаходзілася каля 20 аператыўна-стратэгічных бамбавікоў ТУ-22М3, здольных несці ядзерную зброю. Тады СМІ паведамлялі, што пры аэрадроме маюцца сховішчы для ядзерныя боепрыпасы: у сярэдзіне 1950-х гадоў мінулага стагоддзя там знаходзіліся 9 вадародных бомбаў, а ў канцы 80-х гадоў - каля 200 ядзерных боегаловак для крылатых ракет. Ту-22М3 і ядзерныя боепрыпасы даставілі ў Расею, а вось спусцелыя ядзерныя сховішчы, паводле звестак мясцовых СМІ, як і раней гатовыя да эксплуатацыі», - піша выданне.

Колькі будзе каштаваць Расеі арэнда авіябазы ў Бабруйску, пакуль не вядома. Але гэта не з'яўляецца мэтай перамоваў, адзначаюць крыніцы. І хутчэй за ўсё, на іх думку, «знаходжанне расейскай авіябазы на тэрыторыі галоўнага хаўрусніка Расеі, як і іншых расейскіх вайсковых аб'ектаў у рэспубліцы, будзе бязвыплатным». Як вядома, размовы аб разгортванні РАБ з месцам дыслакацыі ў Бабруйску вядуцца даўно. Хоць указанне Мінабароны і МЗСу аб падрыхтоўцы тэксту пагаднення аб расейскай авіябазе прэзідэнт РФ Уладзімір Пуцін даў на мінулым тыдні, пасля стасункаў у Сочы з Аляксандрам Лукашэнкам. Раней прэм'ер Дзмітрый Мядзведзеў заяўляў, што падпісанне пагадненне паводле авіябазы ў Беларусі заснаванае на дакументах 2009 года, калі ў межах «саюзнай дзяржавы» былі прынятыя пастановы, датычныя «сумеснай аховы межаў і стварэння сумеснай сістэмы супрацьпаветранай абароны».