Расея транспартуе «Іскандэры» ў Калінінград морам

Мінабароны РФ у гэты момант перавозіць пускавыя ўстаноўкі тактычных ракет «Іскандэр» у Калінінград.

Пра гэта ў сваім твітэры паведамляе афіцыйны прадстаўнік Эстоніі ў NATO Лаўры Лепік.

У сваёй заяве ён спасылаецца на надзейную крыніцу, якая паведаміла, што пускавыя ўстаноўкі перавозяць на борце грамадзянскага парома «Амба».

Гэтую інфармацыю таксама апублікавалі СМІ Эстоніі.

Нагадаем, прадстаўнікі Мінабароны Літвы паведамілі аб перахопе, 7 кастрычніка, расейскага самалёта Су-24, які адбыўся над Балтыйскім морам. За дзень да гэтага Мінабароны Фінляндыі паведаміла аб двух парушэннях мяжы расейскімі знішчальнікамі Су-27.