У Літве закончыліся парламенцкія выбары
1- 9.10.2016, 21:43
- 25,140
Дзверы выбарчых пунктаў у Літве зачыніліся, і пачаўся падлік галасоў.
У нядзелю паводле звестак на 20 гадзін беларускага часу на выбарах у Сэйм Літвы прагаласавалі 43,21% выбаршчыкаў, а з 6,68% выбаршчыкаў, якія прагаласавалі датэрмінова, гэты паказчык склаў 49,90%, піша delfi.lt.
У 2012 годзе да 19 гадзін прагаласавалі 44,62%, а датэрмінова - 5,35%, разам - блізу 50%. Выніковая актыўнасць склала 52,93%. У шматмандатнай акрузе выбары адбываліся, калі ў іх брала ўдзел больш як адна чацвёртая ўсіх выбаршчыкаў.
Спіс кандыдатаў партыі ўдзельнічае ў размеркаванні мандатаў, калі за яго прагаласавала не менш за 5% усіх прагаласаваных выбаршчыкаў.
Кааліцыя прэтэндуе на мандаты, калі за яе прагаласавала не менш як 7% усіх прагаласаваных выбаршчыкаў. У аднамандатнай акрузе кандыдат лiчыцца выбраным, калi ў выбарах узялі ўдзел не менш за 40% усіх уключаных у спісы выбаршчыкаў гэтай выбарчай акругі і калі гэты кандыдат атрымаў больш за палову галасоў выбаршчыкаў, якія прагаласавалі, або - у выпадку больш нізкага прыходу - калі кандыдат набраў адну пятую ўсіх галасоў выбаршчыкаў гэтай акругі.
Калі сябра Сэйму ў аднамандатнай акрузе ў першым туры не абіраецца, то праз два тыдні праводзіцца другі тур, у якім удзельнічаюць два кандыдаты, што атрымалі больш за ўсіх галасоў.