У гэты дзень у 1368 годзе Альгерд распляжыў маскоўскае войска
16- 21.11.2016, 20:49
- 26,234
648 гадоў таму на рацэ Тросне адбылася першая сур'ёзная бітва Вялікага Княства Літоўскага з Масквой.
21 лістапада 1368 года на рацэ Тросне вялікі князь Альгерд разбіў маскоўскае войска. Ліцвіны рушылі на Маскву.
Вынік Тросненскай бітвы — самая буйная перамога ВКЛ над Маскоўскім вялікім княствам у XIV стагоддзі. Адбылася яна 21 лістапада 1368 года.
Кампанія 1368 года («першая Літоўшчына» маскоўскіх летапісаў) была распачатая Альгердам у падтрымку хаўруснага ВКЛ Цвярскога княства.
Альгерд, паводле летапісных сведчанняў, заўсёды захоўваў планы паходаў у сакрэце, не раскрываючы іх да апошняга моманту нават найбліжэйшаму атачэнню.
Такая тактыка спрацавала і гэтым разам. Маскоўская выведка была ўпэўненая, што ліцвіны прыйдуць з боку Ржэва, між тым Альгерд раптоўна з'явіўся з паўднёва-захаду і застаў вялікага князя маскоўскага Дзмітрыя (будучага Данскога) знянацку, піша «Энцыклапедыя гісторыі Беларусі».
Зламаўшы супраціў князёў Сямёна Дзмітрыевіча Старадубскага-Крапівы і Канстанціна Юр'евіча (князя Абаленскага) войска ВКЛ наблізілася да Масквы, дзе на рацэ Тросне яго сустрэла наспех сабранае войска на чале з ваяводамі Дзмітрыем Мініным і Акінам Шубам.
Цяжкаўзброеная літоўская конніца ўшчэнт разбіла яго, абодва ваяводы і амаль усе ратнікі былі забітыя ці патанулі ў Тросне.
Перамога ў Тросненскай бітве адкрыла Альгерду шлях на Маскву.