За дзень беларусы раскупілі ўсе квіткі на канцэрт «Ляпіса-98»

Учора Сяргей Міхалок і кампанія абвясцілі пра канцэрт 30 снежня ў сталічным Prime Hall.

— Квіткоў на канцэрт няма зусім, — пацвярджаюць tut.by арганізатары канцэрту. — Гэта ўнікальны выпадак у гісторыі беларускай канцэртнай дзейнасці, калі за суткі прададзеныя ўсе квіткі. Такога ажыятажу не было ні наводнага артыста, тым больш беларускага.

- Чаму тады выбралі такую сціплую памерамі пляцоўку, як Prime Hall?

— Сяргею Міхалку і гурту важна бачыць і адчуваць гледача. На буйной пляцоўцы не атрымалася б шчыльнага кантакту з аўдыторыяй.

У 2014-м галоўны гурт Беларусі на чале з Сяргеем Міхалком абвясціў аб распадзе. Але Сяргей Міхалок не гатовы так проста адпусціць той неімаверны стан і атмасферу, якія былі на канцэртах калектыву ў ранейшыя часы. «Ляпіс-98» — гэта барабаны Дзяніса Шурава, бас Дзяніса Стурчанка, трамбон Івана Галушкі, труба Уладзіслава Сянкевіча і гітара Паўла Трацяка. І гледзячы на актыўны старт продажу, не гатовыя адпускаць гурт і беларускія прыхільнікі.

Нагадаем, што ў пачатку красавіка 2016 года Міхалок абвясціў аб стварэнні праекта «Ляпіс-98» — гурта, якая будзе выконваць хіты гурта «Ляпіс Трубяцкі», створаныя за апошнія 25 гадоў. Першы канцэрт адбыўся 21 красавіка ў Харкаве, пасля чаго гурт выступаў у Кіеве, Львове, Адэсе, Празе, Гамбургу ды іншых гарадах. У Менску канцэрт пройдзе ўпершыню.