ЦРУ апублікавала сакрэтныя мапы
2- 30.11.2016, 17:30
- 13,049
Мапы, да якіх мела доступ толькі вышэйшае кіраўніцтва ЗША, ахопліваюць амаль 70-гадовы перыяд гісторыі.
Амерыканская Цэнтральная выведвальная ўправа выклала ў адкрыты доступ дзясяткі некалі сакрэтных мапаў, паведамляе National Geographic (пераклад - lenta.ru).
Мапы, да якіх мела доступ толькі вышэйшае кіраўніцтва ЗША, ахопліваюць амаль 70-гадовы перыяд гісторыі. На іх пазначаныя савецкія ядзерныя ракеты на Кубе, таемныя прытулкі дыктатара Садама Хусэйна, акупацыйныя зоны Берліна ў 1945-м і іншыя.
Акрамя таго, ЦРУ апублікавала некалькі фотаздымкаў з засакрэчаных мерапрыемстваў, на якіх прымаліся лёсавызначальныя пастановы.
Напрыклад, фота, дзе прэзідэнт ЗША Джордж Буш абмяркоўвае варыянты адказу на тэракт у верасні з тагачасным кіраўніком ЦРУ Джорджам Ценетам, начальнікам штаба Белага дома Эндру Кардам і дарадцай у нацыянальнай бяспецы Кандалізай Райс.
Мапы былі выкладзеныя ў адкрыты доступ у гонар 75-годдзя Цэнтра картаграфіі ЦРУ.
