У Лідзе помнік Леніну аблілі чырвонай фарбай

Міліцыі давялося тэрмінова выклікаць камунальнікаў, каб вярнулі «як было».

Невядомыя аблілі чырвонай фарбай помнік Леніну на галоўнай плошчы горада Ліды (Гарадзенская вобласць).

Гэта выявілі члены Беларускай партыі левых «Справядлівы свет», якія 7 лістапада прыйшлі да помніка з кветкамі. Яны выклікалі міліцыю, якая, у сваю чаргу, паведаміла работнікам камунальных службаў. Тыя аператыўна перафарбавалі помнік, паведамілі БелаПАН у прэс-службе партыі.