Арышты ў кіраўніцтве МТЗ, МАЗа, БелАЗа, Гомсельмаша
150- 19.12.2016, 17:47
- 49,645
Масавыя арышты прайшлі на найбуйнейшых прадпрыемствах.
Прэс-служба Камітэта дзяржаўнай бяспекі паведаміла, што ўстановай спыненая супрацьпраўная дзейнасць службовых асоб ААТ "МТЗ", ААТ "МАЗ", ААТ "БелАЗ", ААТ "Гомсельмаш".
"Высветлена, што прадстаўнікі кіраўніцтва і работнікі прадпрыемстваў машынабудаўнічага комплексу за атрыманне незаконных узнагарод ад камерцыйных структур забяспечвалі прасоўванне прадукцыі апошніх.
З 2013 года за прыйманне сыравіны і дэталяў з элементамі дэфектаў, выдачу фіктыўных высноў аб якасці, атрыманне звестак аб перспектыўных распрацоўках ім перададзена хабараў на суму не менш за 200 тысяч даляраў ЗША ", - заявілі ў прэс-службе.
У перыяд з 5 да 7 снежня 2016 года пры атрыманні хабараў на суму больш за 7500 рублёў на гарачым затрыманыя чацвёра прадстаўнікоў ААТ "МТЗ", ААТ "МАЗ" і ААТ "БелАЗ".
Сярод іх фінансавая дырэктарка - намесніца генеральнага дырэктара ААТ "МТЗ" Н.Прымшыц.
Акрамя гэтага, за атрыманыя раней узнагароды блізу 40000 рублёў затрыманыя яшчэ чатыры супрацоўнікі канструктарскіх і планава-эканамічных падраздзяленняў ААТ "МТЗ".
У дачыненні да згаданых асоб распачатыя крымінальныя справы паводле арт.430 ("атрыманне хабару"), 433 ("прыняцце незаконнай узнагароджання") КК Рэспублікі Беларусь.
Да затрыманых ужытая мера стрымання ў выглядзе змяшчэння пад варту. Праводзяцца патрэбныя аператыўна-вышуковыя і следчыя дзеянні, накіраваныя на выяўленне і дакументаванне іншых эпізодаў супрацьпраўнай дзейнасці затрыманых.