Названая новая версія аварыі «Прагрэса»
37- 3.12.2016, 13:31
- 14,356
На борце расейскага касмічнага грузавіка магла паўстаць няштатная сітуацыя.
У якасці новай версіі падзення касмічнага грузавіка «Прагрэс МС-04» разглядаюцца тэхнічныя праблемы на борце карабля, паведамляе «Інтэрфакс» са спасылкай на крыніцу.
«Паводле ўдакладненых звестак, няштатная сітуацыя магла адбыцца непасрэдна на борце касмічнага грузавіка, у выніку чаго здарылася заўчаснае раздзяленне з трэцяй ступенню і карабель не выйшаў на арбіту», – заявіла яна.
Паводле ейных словаў, частка вонкавых элементаў карабля ў выніку аддзялення ад трэцяй ступені раскрылася.
«У карабля выйшлі антэны, аднак не раскрыліся сонечныя батарэі. Ёсць звесткі, што карабель пры гэтым апынуўся ў некантраляваным кручэнні і атрымаў вонкавыя пашкоджанні», – дадала крыніца.
Пры гэтым яна ўдакладніў, што да страты тэлеметрыі ўсе сістэмы ракеты-носьбіта працавалі штатна.
Раней паведамлялася, што прычынай падзення касмічнага грузавіка «Прагрэс МС-04» магла стаць халатнасць пры вытворчасці рухавіка РД-0110 трэцяй ступені ракеты-носьбіта «Саюз-V».