1 сакавiка 2024, Пятніца, 15:59
Падтрымайце
сайт
Сім сім,
Хартыя 97!
Рубрыкі

Буткявічус: Літва не будзе закупляць электраэнэргію з Астравецкай АЭС

Буткявічус: Літва не будзе закупляць электраэнэргію з Астравецкай АЭС
Альгірдас Буткявічус
ФОТА: DELFI

Літоўскі прэм'ер Альгірдас Буткявічус разлічвае, што гэтую пазіцыю падтрымаюць і іншыя дзяржавы Еўразвязу.

Прэм'ер-міністр Літвы Альгірдас Буткявічус заявіў, што краіна не мае намеру купляць электраэнэргію з Астравецкай АЭС, якая будуецца побач, у Беларусі.

«Так, мы гэтую пазіцыю ўжо выказвалі, мы адназначна не збіраемся закупляць электраэнэргію з небяспечнай станцыі, і я думаю, што пазіцыя краін Еўразвязу павінна быць гэткай жа. Магу сказаць, што ва ўсіх высновах, якія ўдалося сфармуляваць дзякуючы нашым намаганням, гаворыцца, што важна забяспечыць ядзерную бяспеку і за межамі ЕЗ», - заявіў Буткявічус у аўторак у інтэрв'ю радыёстанцыі LRT, паведамляе delfi.lt.

Прэм'ер адзначыў, што Літва разам з партнёрамі будзе імкнуцца да таго, каб Астравецкая АЭС, якая будуецца, адказвала ўсім патрабаванням бяспекі.

«Мы прытрымліваемся пазіцыі, што Рэспубліка Беларусь павінна паскорыць выкананне стрэс-тэстаў, якія даюць ацэнку рызыкі і надзейнасці, бо, мяркуючы па той, інфармацыі, якую мы маем, дэкларацыя, падпісаная яшчэ ў чэрвені 2011 года з Еўракамісіяй, абавязвае Беларусь правесці гэтыя тэсты , але дагэтуль не выканана. Мы будзем вылучаць патрабаванні, наколькі гэта магчыма, каб праект адказваў міжнародным патрабаванням ядзернай і экалагічнай бяспецы», - сказаў прэм'ер.

Напісаць каментар

Таксама сачыце за акаўнтамі Charter97.org у сацыяльных сетках