Памёр актор Аляксей Жаркоў
21- 6.06.2016, 16:36
- 12,816
5 чэрвеня на 69-м годзе жыцця пасля працяглай хваробы памёр актор тэатра і кіно, народны артыст Расеі Аляксей Жаркоў.
Пра гэта паведамляе Саюз кінематаграфістаў Расеі.
«Пайшоў надзвычай таленавіты артыст, сціплы, добры чалавек», - адзначана на сайце.
Актор перанёс інсульт у 2012 годзе. У пачатку сакавіка 2016 года здарыўся новы прыступ.
У творчай біяграфіі Аляксея Жаркова больш за 130 роляў у кіно, у тым ліку Воранаў («Начное здарэнне»), Рабінін («Крымінальны талент»), Данглар («Вязень замка Iф»), Яўген («У горадзе Сочы цёмныя ночы»), Леў («Імітатар»), Кнігаўка («Не будзіце спячую сабаку»).
Жаркоў нарадзіўся ў Маскве. Працаваў у тэатры імя Ярмолавай і МХТ імя Чэхава.