Сёння ў Беларусь прыбывае місія БДІПЧ АБСЕ
3- 31.07.2016, 11:46
- 7,138
Місію ўзначальвае прадстаўніца Італіі Каэтана дэ Зулуета Оўтрам.
31 ліпеня ў Беларусь для назірання за парламенцкімі «выбарамі» прыбывае місія Бюро дэмакратычных інстытутаў і правоў чалавека Арганізацыі бяспекі і супрацоўніцтва ў Еўропе (БДІПЧ АБСЕ), паведамляе БелаПАН.
Як паведаміла кіраўніца Цэнтрвыбаркама Беларусі Лідзія Ярмошына на прэс-канферэнцыі 29 ліпеня, місію ўзначальвае прадстаўнік Італіі Каэтана дэ Зулуета Оўтрам. Яна нарадзілася ў Калумбіі, з 1981 працавала журналісткай, зараз блогер. З 1996 года абіраецца ў італьянскі парламент. У якасці кіраўніка місіі БДІПЧ АБСЕ Каэтана дэ Зулуета Оўтрам працавала ў Азербайджане, Турцыі, Чэхіі, Францыі, Узбекістане, Украіне.
2 жніўня назіральнікі БДІПЧ плануюць наведаць ЦВК, дзе з імі сустрэнецца Ярмошына.
Раней паведамлялася, што для працы на парламенцкіх «выбарах» у Беларусі БДІПЧ АБСЕ плануе накіраваць 40 доўгатэрміновых і 400 кароткатэрміновых назіральнікаў.
Нагадаем, што пасля 1994 году ніводныя «выбары» ў Беларусі не былі прызнаныя АБСЕ сумленнымі і дэмакратычнымі.