Тры беларускія тэнісісткі выйшлі ў другі раўнд кваліфікацыі Australian Open
1- 12.01.2017, 10:43
- 17,504
Для выхаду ў асноўную сетку турніру трэба пераадолець тры кваліфікацыйныя раўнды.
Тры беларускія тэнісісткі выйшлі ў 2-е кола кваліфікацыі першага ў сезоне турніру Вялікага шалому — адкрытага чэмпіянату Аўстраліі, піша tut.by.
Аляксандра Сасновіч (№116 рэйтынгу WTA) у першым коле кваліфікацыі падолела японку Рыка Саваянагі (№201) — 2:6, 6:2, 6:2.
Арына Сабаленка (№146) падолела прадстаўніцу Турцыі Іпек Сойлу (№158) — 6:2, 6:1.
Вера Лапко (№326) падолела Эліцу Коставу (№133) з Балгарыі— 6:1, 5:7, 8:6.
А вось самая дасведчаная з беларусак Вольга Гаварцова (№173) саступіла ў стартавым коле кваліфікацыі Міхаэле Бузарнеску (№541) з Румыніі— 5:7, 7:5, 2:6.
У мужчынскім адзіночным турніры беларус Уладзімір Ігнацік (№191) напярэдадні ў стартавым коле кваліфікацыі падолеў прадстаўніка Канады Вашэка Паспішыла (№133) — 3:6, 6:3, 6:4, і цяпер пазмагаецца з японцам Хірокі Морыей (№173).
А вось Ілля Івашка (№176) у першым раўндзе саступіў Раджыву Раму (№129) з ЗША — 4:6, 4:6.
Для выхаду ў асноўную сетку Australian Open трэба пераадолець тры кваліфікацыйныя раўнды.
Матчы асноўнай сеткі адкрытага чэмпіянату Аўстраліі пройдуць у Мельбурне з 16 да 29 студзеня.