Восем чалавек валодаюць такім жа багаццем, як і палова насельніцтва Зямлі

Агульнае багацце васьмёркі самых багатых людзей - $426 млрд.

Восем чалавек валодаюць такім жа багаццем, як і самыя бедныя 3,6 мільярдаў людзей у свеце. Такія звесткі міжнароднай арганізацыі Oxfam International паведамляе CNN (пераклад - liga.net).

У лік гэтых самых заможных людзей уваходзяць Біл Гейтс, Уорэн Бафет, Карлас Слім, Джэф Безас, Марк Цукерберг, Амансіё Артэга, Лары Элісан і Майкл Блумберг.

Разам яны валодаюць багаццем на $426 млрд.

У арганізацыі адзначаюць, што нягледзячы на сусветнае імкненне да роўнасці, разрыў паміж багатымі і беднымі становіцца ўсё большым.

«Такая драматычная няроўнасць заганяе мільёны ў пастку галечы, псуе наша грамадства і атручвае нашу палітыку», - сказаў віцэ-прэзідэнт Oxfam у Амерыцы Пол О'Браен.