У Растове-на-Доне п'яны святар пратараніў восем аўтамабіляў

У выніку ДТЗ пацярпелі два чалавекі— жанчына і васьмігадовы хлопчык.

У Растове-на-Доне п'яны святар справакаваў ДТЗ з удзелам дзевяці машын, паведамляе lenta.ru.

У ноч на 17 студзеня ў Халтурынскім завулку 25-гадовы святар на Mitsubishi АЅХ дапусціў сутыкненне з ВАЗ-21099, што ехаў у спадарожным напрамку. Пасля гэтага аўтамабілі ўрэзаліся ў сем прыпаркаваных машын, паведамілі ў рэгіянальным галоўным упраўленні МУС. «Устаноўлена, што кіроўца Mitsubishi кіраваў транспартным сродкам у стане алкагольнага ап'янення», — дадалі ў паліцыі.

У выніку ДТЗ пацярпелі два чалавекі— жанчына і васьмігадовы хлопчык. Яны былі дастаўленыя ў бальніцу. Паводле факта здарэння праводзіцца праверка.

Паводле інфармацыі выдання Donday.ru, вінаватым у аварыі быў штатны іерэй храма Велікамучаніка Георгія Перамаганосца ў Растове-на-Доне Дзімітрый Ківілідзі. Мітрапаліт Растоўскі і Новачаркаскі Меркурый сваім указам забараніў яму праводзіць служэнні. «Рашэнне пра яго далейшы лёс будзе перададзенае на разгляд царкоўнага суда», — адзначылі ў прэс-службе мітраполіі.

У снежні 2015 года ля Мінеральных Водаў святар на Toyota ўрэзаўся на скрыжаванні ў паліцэйскі УАЗ, які перавозіў арыштаваных у СІЗА. У выніку ДТЗ пацярпелі два супрацоўнікі рэгіянальнага лінейнага кіравання транспартнай паліцыі, а таксама двое арыштаваных, якіх канваявалі ў следчы ізалятар.