У Пінскім раёне жанчыну, якая ляжала на праезнай частцы, пераехалі 2 аўтамабілі
3- 21.01.2017, 11:12
- 18,645
Няшчасны выпадак адбыўся 20 студзеня ў вёсцы Мечыцы.
У Пінскім раёне жанчыну, якая ляжала на праезнай частцы, пераехалі два аўтамабілі, паведамілі БелТА ў прэс-службе УУС Берасцейскага аблвыканкама.
Няшчасны выпадак адбыўся 20 студзеня ў вёсцы Мечыцы. У 21.55 на адной з вуліцаў населенага пункта быў знойдзены труп мясцовай жыхаркі 1953 года нараджэння з пашкоджаннямі, характэрнымі для ДТЗ.
Высветлена, што незадоўга да гэтага на жанчыну, якая была пазначаная святлоадбіўнымі элементамі і ляжала на праезнай частцы, здзейснілі наезд два аўтамабілі.
Першы наезд здзейснены каля 21.50 аўтамабілем ВАЗ-21093, якім кіраваў жыхар вёскі Табулкі 1992 года нараджэння. Праз тры хвіліны на ахвяру ДТЗ наехаў УАЗ, які належыць адной з установаў аховы здароўя Пінска, пад кіраваннем 54-гадовага пінчука.
Паводле гэтага факта Пінскі міжраённы аддзел Следчага камітэта распачаў крымінальную справу паводле ч. 2 арт. 317 (парушэнне правілаў дарожнага руху або эксплуатацыі транспартных сродкаў, што справакавала праз неасцярожнасць смерць чалавека) КК.