Педагогам будуць даплачваць $15 яшчэ год пасля адпрацоўкі размеркавання

Праўда толькі ў выпадку, калі спецыялісты застануцца працаваць на тым жа месцы.

Маладым педагогам, якія адпрацуюць па размеркаванні два гады, але працягнуць працаваць у гэтай жа ўстанове адукацыі, яшчэ на год будзе прызначана даплата. Адпаведнае рашэнне прапісана ў пастанове Савета міністраў ад 19 студзеня 2017 года №48, паведамляе tut.by.

Змены закрануць педагагічных работнікаў з вышэйшай і сярэдняй спецыяльнай адукацыяй, якія адпрацавалі два гады паводле размеркавання або пераразмеркавання, накіравання (наступным накіраванні) на працу ва ўстановы адукацыі і працягваюць працаваць паводле падпісаных працоўных дамовах або кантрактах.

Маладым педагогам будуць даплачваць цягам года пасля размеркавання, сума не павінна перавышаць адну тарыфную стаўку першага разраду, устаноўленай Саветам міністраў. Цяпер яна складае 31 рубель. Канкрэтная сума даплаты будзе вылічвацца прапарцыйна адпрацаванаму часу або аб'ёму выкананых работ.

Пастанова ўвойдзе ў дзеянне з 1 студзеня гэтага года.