У «Маршы жанчын на Вашынгтон» удзельнічаюць сотні тысяч чалавек

Дэманстрацыя, якая прыцягнула сотні тысяч удзельнікаў, праходзіць на наступны дзень пасля інаўгурацыі прэзідэнта ЗША Дональда Трампа.

Тысячы пратэстоўцаў, як жанчыны, так і мужчыны, якія ўдзельнічаюць у суботу раніцай у «Маршы жанчын на Вашынгтон». У ружовых шапках і з плакатамі ў руках яны сабраліся перад сцэнай на Індэпэндэнс авеню, паведамляе golos-ameriki.ru.

У акцыі бяруць удзел многія знакамітасці. Сярод іх спявачка Кэці Пэры, Шэр, тэлезорка серыяла «Хадзячыя мерцвякі» Данай Гурыра, актрыса індыйскага паходжання Падме Лакшмі і лацінаамерыканскага - Амерыка Ферэра, Скарлет Ёхансан, а таксама Глорыя Стайнэм. Пасля мітынгу ўдзельнікі пратэсту плануюць марш да Белага дому.

Дэманстрацыя, якая прыцягнула сотні тысяч удзельнікаў, праходзіць на наступны дзень пасля інаўгурацыі прэзідэнта ЗША Дональда Трампа.

Арганізатары «Маршу на Вашынгтон» таксама чакаюць, што некалькі сотняў тысяч людзей возьмуць удзел у пратэсце супраць палітыкі новага прэзідэнта і ў абарону правоў жанчын у іншых гарадах.

Афіцыйныя асобы Вашынгтона паведамляюць пра 1800 аўтобусаў, зарэгістраваных на паркоўках горада ў суботу. Гэта азначае, што блізу ста тысяч чалавек прыбылі для ўдзелу ў пратэсце толькі на аўтобусах.