Аўстралія мае намер выратаваць Трансціхаакіянскае партнёрства

Прэм'ер Аўстраліі выказаў меркаванне, што пазіцыя Трампа можа змяніцца, і дапусціў далучэнне Кітая да дамовы.

Пасля пастановы прэзідэнта ЗША Дональда Трампа пра выхад Злучаных Штатаў з дамовы аб Трансціхаакіянскім партнёрстве (ТЦП) Аўстралія зрабіла спробу захаваць гэтае рэгіянальнае гандлёвае пагадненне. Аўстралійскі прэм'ер-міністр Малкальм Тэрнбул заявіў у аўторак, 24 студзеня, што яго ўрад ужо вядзе адпаведныя «актыўныя дыскусіі» з іншымі ўдзельнікамі ТЦП, у тым ліку Новай Зеландыяй, Сінгапурам і Японіяй, піша dw.com.

Тэрнбул не выключае, што пазіцыя Вашынгтона ў дачыненні да гэтай дамовы можа змяніцца. «Не варта забываць, што дзяржсакратар Рэкс Тылерсан з'яўляецца даўнім прыхільнікам ТЦП. Гэта пагадненне падтрымліваюць рэспубліканцы ў Кангрэсе ЗША», - нагадаў прэм'ер Аўстраліі. У той жа час Тэрнбул бачыць магчымасць развіцця ТЦП і без ЗША. «У Кітая вызначана ёсць магчымасць далучыцца да гэтага пагаднення», - адзначыў ён.

Нагадаем, Трамп падпісаў указ аб выхадзе Злучаных Штатаў з дамовы аб ТЦП 23 студзеня.

Трансціхаакіянскае партнёрства было заснавана ў кастрычніку 2015 года і аб'яднала 12 краін Азіяцка-Ціхаакіянскага рэгіёну, уключаючы ЗША, з агульнай колькасцю насельніцтва 800 млн чалавек. Гэтыя дзяржавы забяспечваюць 40 адсоткаў сусветнага ВУП. Пагадненне было падпісана ў лютым 2016 года пасля сямігадовых перамоваў, але яшчэ не ратыфікавана і, такім чынам, пакуль не ўваходзіць у дзеянне. Адной з мэтаў ТЦП было абмежаванне эканамічнага ўплыву Кітая ў рэгіёне.