Улады не чакалі, што супраць дэкрэта аб «дармаедах» падымуцца ўсе

Беларусы гатовыя змагацца за сваю будучыню.

Максім Піліпавіч распавёў у эфіры «Белсату» пра тое, чаму нельга маўчаць, атрымаўшы «ліст шчасця».

«Большасць людзей падтрымлівае мяне. Варта сказаць, што ўлады не чакалі, што супраць гэтага дэкрэта падымуцца ўсе людзі. Не толькі «дармаеды». Але і «недармаеды», людзі, якія маюць працу і добрую працу. Людзі выдатна разумеюць, чым гэта пагражае ў будучыні і што азначаюць такія дэкрэты», - распавёў відэаблогер, які дапамагае беларусам змагацца з дэкрэтам аб «дармаедстве».

Нагадаем, што 17 лютага а 18-00 на Кастрычніцкай плошчы Менска пачнецца Марш абураных беларусаў з патрабаваннем скасавання дэкрэта аб «дармаедах».