КДК: У дрэваапрацоўку ўклалі мільярды даляраў, а аддачы няма
28- 25.01.2017, 14:12
- 27,393
Камітэт дзяржаўнага кантролю ўсталюе «вельмі жорсткі» кантроль за становішчам спраў у лесагаспадарчай галіне.
Пра гэта паведаміў БелТА старшыня КДК Беларусі Леанід Анфімаў перад пасяджэннем калегіі кантрольнай структуры ў падвядзенні вынікаў дзейнасці за мінулы год і вызначэнні задач на будучыню.
«Лукашэнка ўчора на нарадзе пакрытыкаваў за паслабленне кантролю за становішчам спраў у лесагаспадарчай галіне. Гэты кантроль узмоцнім, каб навесці тут парадак», - адзначыў кіраўнік КДК.
Ён падкрэсліў, што сёлета будзе весціся сталы кантроль за рэалізацыяй важнейшых інвестыцыйных праектаў, у тым ліку для вытворчасці сульфатнай беленай цэлюлозы на Светлагорскім ЦКК. «Лукашэнка паставіў задачу ўвесці гэту вытворчасць да 7 лістапада гэтага года. У сувязі з гэтым роля КДК узрастае, максімальна ўзмоцнім тут кантроль», - сказаў Леанід Анфімаў.
Кіраўнік КДК акцэнтаваў увагу на тым, што будзе прадоўжаны кантроль і за няскончанымі праектамі ў мадэрнізацыі дрэваапрацоўчай галіны, бо яны завязаныя на эфектыўнае выкарыстанне драўнянага рэсурсу. «Мільярды даляраў укладзеныя ў праекты для дрэваапрацоўкі, а належнай аддачы пакуль няма», - рэзюмаваў Леанід Анфімаў.