Вясной у Менску з'явіцца новы тып транспарту
18- 25.01.2017, 18:33
- 16,093
1 сакавіка або 1 красавіка сталічнымі вуліцамі пачнуць ездзіць дваццаць электобусаў.
Як яны будуць працаваць, патлумачыў старшыня Дзяржаўнага камітэта навукі і тэхналогій Аляксандр Шумілін:
- Частку маршруту электорбус будзе ехаць на батарэях, а частку - як звычайны тралейбус. Гэта распрацоўка прадпрыемства «Белкамунмаш».
Дарэчы, першы электробус ужо быў запушчаны ў Беларусі проста перад Новым годам – у Гародні. 60% элементаў электробуса - беларуская распрацоўка, піша kp.by.
Электробус - ездзіць не на бензіне, а на электрычнасці. Як мабільнік: уночы падсілкаваў - удзень ездзі. Стваральнікі беларускага электробуса ўзялі за аснову варыянт «кароткае сілкаванне - кароткі прабег». Сутнасць такая: падсілкаваў цягам пяці хвілін на канцавым прыпынку, электробус здольны праехаць 10 - 12 км да процілеглай канчатковай станцыі. Пяць хвілін падсілкаваў - і назад. Каб кожны раз не падключаць кабелі сілкавання, на даху ўстаноўлена высоўная канструкцыя, якая, як у трамваі, падымаецца і дакранаецца да адмысловых кантактаў.