Затрыманы вядомы бізнэсовец Аляксандр Кныровіч
35- 26.01.2017, 12:54
- 24,283
У сераду Аляксандр Кныровіч пайшоў на допыт у адну з сілавых структур у якасці сведкі і не вярнуўся.
Як стала вядома, яго затрымалі на 72 гадзіны, паведамляе nn.by.
Сваякі затрыманага пакуль не даюць ніякай інфармацыі СМІ. «Чалавек можа яшчэ выйсці, а калі пойдзе хваля - ужо не», - кажуць яны.
Следчы камітэт пакуль не пацвердзіў затрымання Кныровіча.
Аляксандр Кныровіч быў заснавальнікам групы кампаній «Сармат-СТІ», але ў апошнія гады быў больш вядомы як «бізнэс-анёл» - бізнэсовец, які інвесціруе ў стартапы.
Кныровіч таксама актыўна пісаў для Kyky.org і даваў каментары ў СМІ аб эканамічнай сітуацыі ў Беларусі.
Сябры Кныровіча ўважаюць затрыманне звязанае з ягоным бізнэсам.