За ноч на помнік Тадэвушу Касцюшку ў Беларусі сабралі чвэрць патрэбнай сумы

Усяго неабходна сабраць 11 тысяч рублёў.

Увечары 12 кастрычніка журналіст Глеб Лабадзенка на платформе «Талака» пачаў збор сродкаў на помнік нацыянальнаму герою Беларусі, Польшчы і ЗША Тадэвушу Касцюшку, піша nn.by.

Літаральна за ноч удалося сабраць 3 тысячы рублёў з неабходных 11 тысяч.

Помнік плануюць усталяваць у Мерачоўшчыне (Івацэвіцкі раён), дзе нарадзіўся Касцюшка. Мясцовы музей горача падтрымаў гэтую задуму.

У Беларусі дагэтуль няма ніводнага помніка Касцюшку, хоць ёсць два бюсты. Адзін стаіць на тэрыторыі амерыканскай амбасады ў Менску. Другі - у вёсцы Малыя Сяхновічы, дзе жылі Касцюшкі. Ёсць таксама памятны валун у Мерачоўшчыне.