Нацбанк Украіны забараніў рублі з выявай акупаванага Крыма

Пастанова ўкраінскага Нацбанка ўваходзіць у дзеянне 17 кастрычніка.

Нацбанк Украіны забараніў украінскім банкам і фінансавым арганізацыям праводзіць любыя аперацыі з расейскімі банкнотамі і манетамі, на якіх утрымліваюцца сімвалы акупаваных Расеяй тэрыторый Украіны, паведамляе censor.net.

Адпаведныя забароны на ажыццяўленне аперацый з такімі банкнотамі і манетамі ўсталяваны пастановай праўлення НБУ №103 ад 13 кастрычніка, якая ўваходзіць у дзеянне з 17 кастрычніка, паведамляе БізнэсЦэнзар са спасылкай на прэс-службу рэгулятара.

Між іншым, банкам і фінансавым установам забаронена ажыццяўляць касавыя, у тым ліку валютна-абменныя, аперацыі з банкнотамі і манетамі Цэнтральнага банка РФ з выявай мапаў і аб'ектаў, размешчаных на акупаваных Расеяй тэрыторыях Украіны або якія змяшчаюць тэксты, што тычацца акупацыі РФ адміністрацыйна-тэрытарыяльных адзінак Украіны.

Забарона распаўсюджваецца таксама на аперацыі, якія ажыццяўляюцца пры куплі / продажы наяўнай замежнай валюты паміж банкамі.

Таксама фінансавым установам і ПАТ «Укрпошта» забараняецца пры ажыццяўленні або выплаце пералічэнняў прымаць і выдаваць такія наяўныя банкноты або манеты.

Адпаведныя змяненні ўнесены ў Інструкцыі аб парадку арганізацыі і ажыццяўлення валютна-абменных аперацый на тэрыторыі Украіны, Інструкцыі аб вядзенні касавых аперацый банкамі ва Украіне.

Як паведамлялася, напярэдадні Цэнтрабанк РФ увёў у абарачэнне новыя банкноты наміналам 200 і 2000 рублёў. На банкноце наміналам 200 рублёў размешчаны сімвалы анэксаванага Севастопаля: на адным баку - выява Помніка затопленым караблям, на адваротным - від на Херсанэс Таўрычаскі.

Таксама ў 2014 годзе ў Расеі было выпушчана дзве манеты вартасцю 10 рублёў з выявамі акупаванага Крыма і Севастопаля. Тыраж выпуску ў агульнай складанасці склаў 20 млн манет.