Пуцін прапанаваў расейцам заплаціць за ахову здароўя

У Расеі рыхтуюць свае «лісты шчасця».

Прэзідэнт Расеі Уладзімір Пуцін заявіў, што трэба вызначыць, якія медыцынскія паслугі будуць выконвацца насельніцтву бясплатна, а за якія грамадзяне будуць плаціць. Пра гэта паведамляюць «Ведомости» са спасылкай на прэзідэнта.

Прэзідэнт РФ мяркуе, што «кожны чалавек павінен разумець сваю адказнасць за ўласнае здароўе». Адзін з федэральных чыноўнікаў падкрэсліў, што калі Пуцін пра гэта кажа, значыць, гэта абмяркоўваецца. Чыноўнік фінансава-эканамічнага блока распавядаў выданню, што ўлады абмяркоўваюць супольнае фінансаванне сістэмы абавязковага медыцынскага страхавання (АМС) сумай на 2%.

Пры гэтым прэс-сакратар прэзідэнта РФ Дзмітрый Пяскоў і міністр эканамічнага развіцця Максім Арэшкін заявіў, што гэтае пытанне не абмяркоўваецца.

Гендырэктар ФГБУ «Цэнтра экспэртызы і кантролю якасці медыцынскай дапамогі» Міністэрства аховы здароўя Віталь Амельяноўскі распавёў, што пытанне супольнага фінансавання АМС абмяркоўваюць і ў адміністрацыі прэзідэнта РФ, і ў Мінэканамразвіцця, і ў Цэнтры стратэгічных распрацовак Аляксея Кудрына. Паводле ягоных слоў, у Расеі могуць зрабіць абавязковы мінімум бясплатных паслуг, за ўсё, што не ўвойдзе ў гэты спіс, трэба будзе даплачваць. Ёсць і іншы варыянт: грамадзянін можа даплачваць альбо патроху за ўсе паслугі, альбо па дасягненні ім ліміту. Гаворка не ідзе пра інвалідаў, дзяцей або хранічна хворых, растлумачыў ён.

Аднак на сёння гэтая ініцыятыва супярэчыць Канстытуцыі, паводле якой кожны расеец мае права на бясплатную медыцынскую дапамогу, падкрэсліў дырэктар НДФІ Мінфіна РФ Уладзімір Назараў. Дырэктар Цэнтра палітыкі ў сферы аховы здароўя ВШЭ Сяргей Шышкін сказаў, што ўрад абмяркоўвае магчымасць абавязаць самазанятых грамадзян, якія не зарэгістраваныя афіцыйна як беспрацоўныя і не плацяць унёскі ў сістэму АМС, плаціць фіксаваную суму за медпаслугі.