Фотафакт: На гомельскім прадпрыемстве ўвялі ліміт на курэнне
55- 17.10.2017, 18:43
- 33,851
Цяпер супрацоўнікам прадпрыемства можна паліць не больш за два разы на дзень.
На гомельскім заводзе «Камунальнік» увялі ліміт на курэнне. Цяпер супрацоўнікам прадпрыемства можна паліць не больш за два разы ў дзень, піша gomel.today.
Кіраўніцтва склала графік для працаўнікоў: «курыльня» працуе з 10.00 да 10.15 і з 15.00 да 15.15. Калі хто-небудзь наважыць парушыць гэтае правіла, то яго пакараюць дысцыплінарным спагнаннем.
Відаць, кіраўнікі прадпрыемства непакояцца за здароўе сваіх супрацоўнікаў. У сваім звароце яны нагадваюць, што «ў тытунёвым дыме змяшчаецца больш за 4 000 хімічных злучэнняў, з іх больш за 40 асабліва небяспечныя, таму што выклікаюць рак», і папярэджваюць, што «прыкладна 25% рэгулярных курцоў цыгарэт памрэ заўчасна з прычыны курэння».