У Смаленскай вобласці знайшлі 18 тон беларускага сыру «з будучыні»
23- 17.10.2017, 20:37
- 36,391
Сыр «з будучыні» быў выраблены на Ашмянскім сыраробным заводзе.
14 кастрычніка рассельгаснагляд забараніў увоз на тэрыторыю Расеі партыі сыру, вырабленай на Ашмянскім сыраробным заводзе. Супрацоўнікі ведамства праверылі дакументы на тавар і заўважылі, што сыр суправаджаецца сертыфікатам, выдадзеным ветэрынарнай службай Беларусі... 15 кастрычніка, паведамляе euroradio.by.
Але правяральшчыкі не сталі знішчаць нелегальны сыр тут жа, у пункце папярэдняга паведамлення «Чырвоная Горка», і вярнулі 18-тонны груз адпраўніку.
Ва ўпраўленні Рассельгаснагляду Бранскай і Смаленскай абласцей таксама паведамілі, што за тыдзень з 10 да 16 кастрычніка на тэрыторыю Расеі быў забаронены ўвоз больш за 84 тон рознай падкаранціннай прадукцыі з Беларусі. А міністр сельскай гаспадаркі РФ Аляксандр Ткачоў у гэты час наогул прапанаваў канфіскоўваць машыны ў тых, хто ўвозіць у Расею санкцыйныя тавары.