Спецыялісты NASA выкрылі таемны эксперымент РФ
15- 19.10.2017, 18:15
- 47,058
Яны выявілі на касмічным караблі «Прагрэс МС-07», які ўжо падрыхтаваны да старту, невядомую прыладу.
Пра гэта паведамляе Popular Mechanics. Карабель разам з ракетай-носьбітам «Саюз-2.1а» павінен быў стартаваць 12 кастрычніка з касмадрома Байканур, але дату перанеслі на два дні, паведамляе znaj.ua.
Ён павінен быў даставіць на борт МКС паліва, прадукты, ваду і іншыя грузы, неабходныя для эксплуатацыі станцыі ў пілатуемым рэжыме.
Спецыялісты NASA апублікавалі фота невядомай прылады. Яе прымацавалі на пярэдняй частцы карабля. Расейскі бок адмовіўся распавядаць аб прызначэнні апаратуры і задачах.
На запыт навукоўцаў ЗША даслалі адказ, што гэта навуковая карысная нагрузка, прызначаная для аднаразовага палёту. Амерыканцы сцвярджаюць, што такі інцыдэнт паўстаў упершыню за 19 гадоў супрацоўніцтва з Расеяй у рамках праграмы МКС.
У 2014 годзе расейскі бок ужо ўсталёўваў на касмічны карабель сваё навуковае абсталяванне. Навукоўцы з РФ запэўнівалі, што іх прылада прызначалася для маніторынгу з'яў у атмасферы і яе ўласцівасцяў адлюстравання.
У гэтым выпадку спецыялістаў NASA насцярожыла тое, што расейскія калегі адмаўляюцца даваць якія-небудзь тлумачэнні і раскрываць прызначэнне апаратуры.